دیگر صوبوں کی طرح صوبہ خیبر پختونخوا بھی ڈینگی وائرس کی لپیٹ میں ہے۔

تفصیلات کے مطابق محکمہ صحت کی جانب سے  27 سے 11  ستمبرتک ڈینگی کیسز سے متعلق رپورٹ جاری کردی گئی ہے۔

جاری کردہ رپورٹ کے مطابق  صوبے میں ایک ہزار 57مریضوں میں ڈینگی وائرس کی تصدیق ہوئی ہے۔

محکمہ صحت کی رپورٹ میں مزید بتایا گیا ہے کہ ڈینگی کے سب سے زیادہ  236کیسز پشاورمیں رپورٹ ہوئے ہیں جبکہ نوشہرہ میں 221،بونیر میں  211،خیبرمیں 135، صوابی میں 57،مانسہرہ میں  41،کوہاٹ میں 22، سوات میں 22، مردان میں 21، ہری پورمیں19 ، باجوڑ میں 18، چارسدہ میں 12، بٹگرام میں11 ، شانگہ میں 10،ایبٹ آباد میں 5،لوئر اور اپردیر میں4،4 ڈینگی کیسز رپورٹ ہوئے ہیں۔

واضح رہے کہ لکی مروت اور ہنگو میں سب سے کم 1،1 مریض میں ڈینگی وائرس کی تصدیق ہوئی ہے۔