پاکستان    شوبز انڈسٹری کی اداکارہ و ماڈل غنیٰ علی نے اپنے آنے والے ننھے مہمان سے متعلق پھیلی غلط فہمیوں اور افواہوں سے متعلق ایک ویڈیو پیغام جاری کر دیا۔

تفصیلات کے مطابق غنیٰ علی کا اپنی ویڈیو پیغام میں انٹرنیٹ صارفین سے اپیل کرتے ہوئے کہنا ہے کہ اگر آپ کو کسی چیز سے مسئلہ ہے یا کچھ پسند نہ آئے تو براہ مہربانی آگے بڑھ جایا کریں، ضروری نہیں ہے کہ ہر بات پر تبصرہ کریں۔

گزشتہ روز غنیٰ علی کی جانب سے اعلان کیا گیا تھا کہ وہ بہت جَلد اپنے پہلے بچے کو خوش آمدید کہنے والی ہیں۔

 اداکارہ نے اپنے شوہر کے ساتھ نئی تصاویر شیئر کرتے ہوئے اپنے مداحوں کو یہ خوشخبری انسٹا گرام پر سنائی تھی۔

تاہم غنیٰ علی کی اِن تصویروں پر کچھ سوشل میڈیا صارفین کا کہنا تھا کہ ’غنیٰ علی کی شادی رواں سال مئی میں ہوئی ہے، اتنی جَلدی وہ کیسے ماں بننے والی ہیں۔‘

جس پر غنیٰ علی نے اپنی پوسٹ کے کمنٹ باکس اور ایک ویڈیو پیغام میں کہا ہے کہ ’اُن کی شای رواں سال فروری میں ہو گئی تھی۔

اداکارہ نے بتایا کہ انہوں نے اپنی شادی کا اعلان مئی میں کیا تھا۔