گجرات میں واقع جی ٹی روڈ رحمانیہ پل کے پاس ٹرک اور موٹرسائیکل کے درمیان خطرناک تصادم کا واقعہ پیش آیا ہے۔

تفصیلات کے مطابق حادثے کے نتیجے میں دو افراد جاں بحق ہوگئے ہیں جبکہ  ایک خاتون کے زخمی ہونے کی بھی اطلاعات ہیں۔

ریسکیو ذرائع کا کہنا ہے کہ ایک مرد اور ایک عورت ہیڈ انجری ہونے کی وجہ سے  موقع پر ہی جاں بحق ہوگئے ہیں جبکہ ایک عورت بازو فریکچر ہونے سے شدید زخمی ہو گئی ہیں۔

ریسکیو اور موٹر وے پولیس بھی موقع پر پہنچ گئی ہے۔

واضح رہے کہ مرنے والوں اور زخمی خاتون کو ڈی ایچ کیوعزیز بھٹی شہید ٹیچنگ ہسپتال منتقل کیا جا رہا ہے۔