کئی دہائیوں تک بالی وڈ پر راج کرنے والے معروف اداکار دلیپ کمار کے ٹوئٹر اکاؤنٹ کو بند کرنے کا فیصلہ کرلیا گیا ہے۔

میڈیا رپورٹس کے مطابق اداکار دلیپ کمار کے انتقال کے 2 ماہ بعد ان کے ٹوئٹر اکاؤنٹ کو بند کرنے کا فیصلہ کیا گیا ہے۔

اس حوالے سے دلیپ کمار کے تصدیق شدہ ٹوئٹر اکاؤنٹ سے ان کے ترجمان نے اداکار کے مداحوں کو اس فیصلے سے آگاہ کیا ہے۔

After much discussion and deliberation and with the consent of Saira Banu ji, I hv decided to close this twitter account of beloved Dilip Kumar Saab. Thank you for your continuous love and support.
-Faisal Farooqui pic.twitter.com/NAabHe1DZu

Advertisement

— Dilip Kumar (@TheDilipKumar) September 15, 2021

دلیپ کمار کے ترجمان نے اداکار کے تصدیق شدہ اکاؤنٹ کے ذریعے بتایا ہے کہ سائرہ بانو  کی مشاورت اور سوچ بچار کے بعد فیصلہ کیا ہے کہ ان کا آفیشل ٹوئٹر اکاؤنٹ بند کردیا جائے گا۔

عظیم اداکار یوسف خان عرف ’دلیپ کمار‘ نے اپنے کامیاب فلمی کیریئر کا آغاز 1944 میں ‘جوار بھاٹا’ کے ساتھ کیا تھا۔

تاہم ان کی مشہور فلموں میں آن، دیوداس، آزاد، مغل اعظم، گنگا جمنا، انقلاب، شکتی، کرما، نیا دور، مسافر، مدھومتی، دل دیا درد لیا، مزدور، لیڈر، جوار بھاٹا، جگنو، شہید، ندیا کے پار، میلا، داغ، دیدار، آگ کا دریا، عزت دار، داستان، دنیا، کرانتی، قانون اپنا اپنا، سوداگر جیسی مایہ ناز فلمیں شامل ہیں جو اداکار کی مقبولیت کا سبب بنیں۔

 جبکہ انہوں نے 1998 میں اپنی آخری فلم ’قلعہ‘ میں اداکاری کی۔