منڈی بہاؤالدین میں ڈپٹی کمشنر طارق علی بسرا کی جانب سے سلاٹر ہاوس پر چھاپہ مارا گیا ہے۔

تفصیلات کے مطابق ڈپٹی کمشنر کمشنر طارق علی بسرا نے بغیر اطلاع دیے سلاٹر ہاؤس  پر چھاپہ مارتے ہوئے مضر صحت بغیر مہر لگے ذبح کیے گئے ایک درجن سے زائد بکرے قبضے میں لے لیے ہیں۔

 ذرائع کا کہنا ہے کہ ڈپٹی کمشنر طارق علی بسرا نے سلاٹر ہاؤس میں ذبح کیے گئے ایک درجن سے زائد بکروں پر محکمہ ویڑنری کی جانب سے بغیر مہریں لگا گوشت پکڑ کر پولیس کو فوری گوشت قبضے میں لینے اور مقدمہ درج کا حکم دے دیا ہے۔

انہوں نے اس موقع پر صفائی کے ناقص انتظامات پر برہمی کا اظہار کرتے ہوئے صفائی کے نظام اور خستہ حال عمارت کو بہتر بنانے کی ہدایات جاری کی ہیں، ان کا کہنا تھا کہ ذبح ہونے والے جانوروں کی صحت مند ہونے کا ثبوت متعلقہ محکمہ کرتا ہے اور سرکاری مہر کے بغیر گوشت مارکیٹ میں لے کر جانا ممنوع اور خلاف قانون ہے۔

  انہوں نے کہا کہ عوام کو معیاری صحت مند جانوروں کا گوشت فراہم کرنا حکومت کی ذمے داری ہے، اور اس میں کوتاہی کرنے والے انسانی معاشرے کے دشمن ہیں جنہیں قانون کے شکنجہ میں لیکر سخت کارروائی کی جائے گی۔

واضح رہے کہ انکے ہمراہ ایڈیشنل ڈپٹی کمشنر توقیر الیاس چیمہ، سی او میونسپل کمیٹی سمیر چیمہ اور پولیس کی بھاری نفری بھی تھی۔