اسپیکر سندھ اسمبلی آغا سراج درانی نے کہا ہے کہ ن لیگ اور پی ٹی آئی کے بعد سندھ حکومت نے بھی گرین لائن منصوبے کے کریڈٹ کا دعوی کردیا۔

تفصیلات کے مطابق اسپیکر سندھ اسمبلی آغا سراج درانی کا میڈیا سے غیر رسمی گفتگو کرتے ہوئے کہنا تھا کہ گرین لائن منصوبہ سندھ حکومت نے شروع کیا تھا،پھر جب میاں نواز شریف کی حکومت آئی تو انہوں نے بھی کمٹمنٹ کی تھی کہ صوبے کے ساتھ مل کر بنائیں گے مگر کٹمنٹ پوری نہیں کی۔

اسپیکر سندھ اسمبلی آغا سراج درانی کا کہنا تھا کہ عمران خان نے بھی کمٹمنٹ کی تھی جو بھی کاسٹ آئے گی شئیر کریں گے مگر ابھی تک صرف باتیں ہیں،  جب گرین لائن شروع ہوجائے گی عام آدمی کو ریلیف ملے گا تو ہم سمجھیں گے ریلیف ملا ہے۔

اسپیکر سندھ اسمبلی آغا سراج درانی کا کہنا تھا کہ وزیر اعظم آج کے سی آر منصوبے کے افتتاح کے لئے کراچی آرہے ہیں،،وزیر اعظٰم یہاں آتے تو ہیں اعلانات بھی بہت ہوتے ہیں مگر عمل درآمد نہیں ہوتا ہے۔

اسپیکر سندھ اسمبلی آغا سراج درانی کا کہنا تھا کہ عام آدمی کہتا ہے کہ اعلانات بہت ہوتے ہیں مگر ملتا کچھ نہیں ہے۔

اسپیکر سندھ اسمبلی آغا سراج درانی کا مزید کہنا تھا کہ موسم تو اچھا ہوگیا ہے اس موسم میں سب کو چھٹی دے دینی چاہیے۔