سندھ میں اساتذہ کی بھرتیوں کے معاملے پر آئی بی اے کے زیر اہتمام پرائمری اسکول ٹیچرز کے ریٹرن ٹیسٹ بھی مکمل ہوگئے ہیں۔

تفصیلات کے مطابق دو لاکھ سے زائد اُمیدواروں نے پی ایس ٹی کی آسامی کے لیے ٹیسٹ دیا تھا۔

ذرائع کا کہنا ہے کہ پرائمری اسکول ٹیچرز کے ٹیسٹ جونیئر اسکول ٹیچرز ٹیسٹ سے بہتر رہے ہیں، پرائمری اسکول ٹیچرز ٹیسٹ میں پندرہ سے سولہ فیصد اُمیدوار کامیاب ہوئے ہیں جبکہ جونئیر اسکول ٹیچرزکے  ٹیسٹ میں کامیابی کا تناسب ایک فیصد سے بھی کم تھا۔

 جے ایس ٹی ٹیسٹ میں ناکام ہونے والے ہزاروں اُمیدواروں نے پی ایس ٹی ٹیسٹ میں بھی حصہ لیا ہے۔

واضح رہے کہ  آئی بی اے یونیورسٹی سکھر کی جانب سے جے ایس ٹی اور پی ایس ٹی ٹیسٹ کے نتائج 30 ستمبر تک اناؤنس کیے جائیں گے۔

یاد رہے کہ پرائمری اسکول ٹیچرزکے ٹیسٹ میں کم وبیش 32 ہزار اُمیدوار کامیاب رہے ہیں۔