واٹس ایپ نے نئی اپ ڈیٹ کے ذریعے گوگل کے پلے بیٹا پروگرام میں نیا ورژن .2.21.18.7 شامل کیا ہے جس کے تحت استعمال کنندگان کے لئے ایک انوکھا اور مفید فیچر متعارف کرایا جائے گا۔

واٹس ایپ میں آنے والی تبدیلیوں پر نظر رکھنے والی ویب سائٹ ڈبلیو اے بیٹا اِنفو کے مطابق واٹس ایپ کی نئی اپ ڈیٹ میں ایک اہم فیچر شامل کیا جائے گا۔

واٹس ایپ اب چیٹس اور گروپس کے لئے ڈِس اپیئرنگ موڈ پر کام کرررہا ہے، یہ فیچر ابھی ڈیولپمنٹ کے مراحل میں ہے اور نئی پرائیویسی سیٹنگز میں دیا جانے والا  ڈس اپیئرنگ  موڈ کا فیچر فی الحال بیٹا ٹیسٹر کے لئے دستیاب ہے، واٹس ایپ کی مستقبل میں آنے والی اپ ڈیٹ میں عام استعمال کنندگان کے لئے شامل کیا جائے گا اور اس نئے فیچر کی بدولت نئی چیٹ خود کار طریقے سے عارضی چیٹس میں تبدیل ہوجائیں گی۔

واضح رہے کہ واٹس ایپ میں ڈِس اپیئرنگ میسجز کا فیچر پہلے سے موجود ہے لیکن اسے ہر انفرادی یا گروپ چیٹ کے لئے الگ الگ انیبل/ ڈِس ایبل کرنا پڑتا ہے، ڈِس اپیئرنگ موڈ میں اسی فیچر کو آگے بڑھاتے ہوئے پورے واٹس ایپ پر خودکار انداز میں لاگو کیا جائے گا۔

البتہ جب آپ ڈس اپیئرنگ موڈ کو آن کریں گے تو نئے لوگوں کے ساتھ شروع ہونے والی چیٹ کے بارے میں ہمیشہ آگاہ کیا جائے گا۔