پاکستان کرکٹ بورڈ (پی سی بی )نے ہال آف فیم میں فضل محمود اور عبدالقادر کو شامل کر لیا جبکہ  حنیف محمد، عمران خان، جاوید میاندار ظہیر عباس ،وسیم اکرم اور وقار یونس بھی پی سی بی ہال آف فیم کا حصہ ہیں ۔

تفصیلات کے مطابق پاکستان کرکٹ بورڈ (پی سی بی) نے ہال آف فیم کے نئے ممبران کے ناموں کا اعلان کر دیا ہے،پی سی بی نے گزشتہ سال آئی سی سی طرز کا ہال آف فیم متعارف کروایا تھا، پی سی بی نے گزشتہ سال ہال آف فیم میں 6 سابق کھلاڑیوں کو شامل کیا تھا۔

ICYMI: Fazal Mahmood and Abdul Qadir inducted into the #PCBHallofFame

More details: https://www.bolnews.com/urdu/latest/2021/10/111643/amp/ pic.twitter.com/I470dAZFVz

Advertisement

— Pakistan Cricket (@TheRealPCB) October 16, 2021

پاکستان کرکٹ بورڈ نے ہال آف فیم میں 2 نئے ممبران کو شامل کیا ہے۔

سابق کپتان قومی ٹیم فضل محمود کو بھی پی سی بی ہال آف فیم میں شامل کیا گیا ہے، فضل محمود نے 1952 سے 1962 تک پاکستان کی نمائندگی کی اور انہوں نے ٹیسٹ کرکٹ میں 139 وکٹیں حاصل کیں۔

پی سی بی ہال آف فیم کے لیے دوسرا نام لیجنڈ اسپنر عبدالقادر کا ہے جنہوں نے 67 ٹیسٹ میچز میں 236 اور 104 ون ڈے میچز میں 132 وکٹیں حاصل کیں۔

اس سے قبل حنیف محمد، عمران خان، جاوید میاندار اور ظہیر عباس کو پی سی بی ہال آف فیم کا حصہ بنایا گیاتھا، وسیم اکرم اور وقار یونس بھی پی سی بی ہال آف فیم کا حصہ ہیں۔