معاون خصوصی وزیر اعلیٰ پنجاب برائے اطلاعات و ترجمان پنجاب حکومت حسان خاور نے کہا ہے کہ عمران خان کی سیاسی پہچان کرپشن کے خلاف جنگ کا خاتمہ ہے۔

تفصیلات کے مطابق معاون خصوصی وزیر اعلیٰ پنجاب برائے اطلاعات و ترجمان پنجاب حکومت حسان خاور نے مریم نواز کے بیان پر ردعمل دیتے ہوئے کہا کہ عمران خان نے پوری دنیا میں پاکستان کی ساکھ بحال کی ہے اور اب برطانوی وزیراعظم بھی اپنی تقاریر میں عمران خان کے کام کے حوالے دیتے ہیں۔

معاون خصوصی وزیر اعلیٰ پنجاب برائے اطلاعات نے کہا کہ عمران خان کی سیاسی پہچان کرپشن کے خلاف جنگ اور مورثی سیاست کا خاتمہ ہے۔

ترجمان پنجاب حکومت کا کہنا تھا کہ پی ڈی ایم اور ن لیگ کے خاندانی اختلافات روز روشن کی طرح عیاں ہیں اور بیان بازی سے ان کو چھپایا نہیں جاسکتا۔

حسان خاور نے کہا کہ ووٹ کو عزت دو کی خاطر اگر جیل کاٹنی ہوتی تو نواز شریف آج لندن نہ بیٹھے ہوتے، اگر چھپانے کو کچھ نہیں ہے تو واپس آکر قانون اور عدالتوں کا سامنا کریں۔

معاون خصوصی وزیر اعلیٰ پنجاب برائے اطلاعات و ترجمان پنجاب حکومت حسان خاور نے مزید کہا کہ مریم نواز اپنے خلاف نیب کی درخواست کو سیاسی رنگ دے کر عوام کو بےوقوف نہیں بنا سکتیں۔

واضح رہے اس سے قبل مسلم لیگ ن کی نائب صدر مریم نواز نے اسلام آباد ہائیکورٹ کے باہر میڈیا سے گفتگو کرتے ہوئے کہا تھا کہ اہم عہدوں پرتقرریاں جادوٹونےسےکی جارہی ہیں۔

مسلم لیگ ن کی نائب صدر نے کہا تھا کہ آئین منتخب وزیراعظم کوتقرریوں کا اختیاردیتا ہے ، عمران خان آئینی اورمنتخب وزیراعظم نہیں ، عمران خان سلیکٹڈوزیراعظم ہیں،عوام کامینڈیٹ نہیں ، عمران خان نےنوازشریف کےمینڈیٹ پرڈاکا ڈالا ، نیب سےڈرتی ہوں نہ گرفتاری سے ، درخواست دینےوالےشخص کاچہرہ قوم کودکھاناچاہیے۔

مریم نواز نے کہا تھا کہ جعلی مقدمات،جعلی درخواست اورنیب سےنہیں ڈرتی ، مجھےگرفتارکریں تاکہ دنیا کوپتہ چلے آپ سچ سے کتنا ڈرتے ہیں ، دیکھناچاہتی ہوں درخواست دائرکرنےوالاہمدردکون ہے ، نیب کی درخواست پڑھ کرایسےلگتاہے جیسےبچےڈررہےہیں۔

مریم نواز نے کہا تھا کہ ضمانت منسوخی کی درخواست دائرکرنےوالےکودیکھنا چاہتی ہوں ، نیب نےمیری ضمانت منسوخی کی درخواست دی ، حکومت نےایک شخص کوبچانے کیلئے تماشہ لگایا ہوا ہے ، عمران خان کاجادوٹونہ چلتاہےتوآٹا،چینی سستی کرو ، عمران خان کاحساب کتاب،جادوٹونہ عوام کیلئےکیوں نہیں؟

انہوں نے کہا تھا کہ جنترمنتراتناکامیاب ہےتومہنگائی کیخلاف کیوں استعمال نہیں ہوتا ، جنترمنترصرف تقرریوں کیلئےہی کیوں استعمال ہوتاہے ، اہم عہدوں پرتقرریاں جادوٹونےسےکی جارہی ہیں ، عمران خان کونوازشریف بننےکی کوشش نہیں کرنی چاہیے۔

مسلم لیگ ن کی نائب صدر مریم نواز کا مزید کہنا تھا کہ شیر کی کھال پہننے سے کوئی شیر نہیں بن جاتا ، جنات اور طوطا فال سےتقرریاں ہوں تواداروں کاتماشہ حیران کن نہیں۔