امیر جماعت اسلامی سراج الحق نے مہنگائی کے خلاف ملک گیر احتجاج کی کال دے دی ہے۔

تفصیلات کے مطابق   امیر جماعت اسلامی سراج الحق کا کہنا تھا کہ جماعت اسلامی اتوار سے پورے ملک میں مظاہروں کا آغاز کر رہی ہے۔

سراج الحق کا کہنا تھا کہ  پورا ہفتہ تمام بڑے چھوٹے شہروں میں مظاہرے، ریلیاں ہوں گی۔

ان کا کہنا تھا کہ کارکنان جماعت اسلامی عوام سے ہر سطح پر رابطے کریں۔

ان کا کہنا تھا کہ پٹرولیم مصنوعات قیمتوں میں ہوش ربا اضافہ مسترد کرتے ہیں اور بجلی کی قیمت میں ڈیڑھ روپے فی یونٹ اضافے کی مذمت کرتے ہیں، حکمران عوام کے مسائل حل نہیں کرسکتے تو گھر جائیں۔

سراج الحق  کا کہنا تھا کہ حکومت نے آئی ایم ایف کے سامنے مکمل سرنڈر کر دیا ہے، قوم کو ظلم اور انصافی کے خلاف ڈٹ جانا چاہیے۔

امیر جماعت اسلامی  سراج الحق کا مزید  کہنا تھا کہ میڈیا غریبوں پرظلم کے خلاف جماعت اسلامی کا ساتھ دے۔