بجلی صارفین کے لیے بری خبرسامنے آگئی ہے۔

تفصیلات کے مطابق  بجلی کی قیمت میں 2 روپے 65 پیسے فی یونٹ اضافے کا امکان بتایا جارہا ہے۔

ذرائع کا کہنا ہے کہ سی پی سی اے نے  بجلی مہنگا کرنے کی درخواست دائر کردی ہے جبکہ درخواست ستمبر کی فیول ایڈجسٹمنٹ کی مد میں دائر کی گئی ہے۔

واضح رہے کہ  ستمبر میں پانی سے36 اعشاریہ دو فیصد بجلی پیدا کی گئی جبکہ کوئلے سے 17 اعشاریہ صفر پانچ فیصد بجلی پیدا کی گئی ہے اور مقامی گیس سے 8اعشاریہ نو فیصد جبکہ درآمد ایل این جی سے 18 اعشاریہ نو فیصد بجلی پیدا کی گئی ہے۔

خیال رہے کہ نیپرا 27 اکتوبر کو سماعت کے بعد فیصلہ کرے گا۔