وزیراعلیٰ سندھ سید مراد علی شاہ کی جانب سے ہرنائی میں زلزلے کے باعث جانی نقصان پر گہرے دکھ کا اظہار کیا گیاہے۔

تفصیلات کے مطابق وزیراعلیٰ سندھ کی جانب سے جاں بحق افراد کے ورثاء کو صبر اور زخمیوں کی جلد صحتیابی کی دعا بھی گئی ہے۔

انہوں نے کہا کہ سندھ حکومت کیلئے جو بھی خدمت ہو ہم حاضر ہیں، اللہ پاک قدرتی آفات سے اس ملک کو محفوظ رکھے۔

واضح رہے کہ بلوچستان کے مختلف علاقوں میں آنے والے زلزلے کے نتیجے میں کم از کم 20 افراد جاں بحق اور 300 سے زائد زخمی ہوگئے ہیں، زلزلے  پیما مرکز کے مطابق زلزلے کی شدت 5.9 ریکارڈ کی گئی جبکہ زلزلے کا مرکز ہرنائی سے 15 کلو میٹر دور کا علاقہ تھا۔