حیدرآباد میں صفائی ستھرائی کے ناقص انتظامات کی وجہ سے ڈینگی وائرس سر اٹھانے لگا ہے۔
تفصیلات کے مطابق ملک بھر میں ڈینگی کے حملوں میں دن بہ دن اضافہ دیکھا جا رہا ہے، تا زہ ترین اطلاعات کے مطابق حیدرآباد کے سول اسپتال میں ڈینگی کے 7 مریض زیرعلاج ہیں۔
سول اسپتال کی انتظامیہ کے مطابق رواں ماہ سول اسپتال میں ڈینگی وائرس کے 14 کیسز سامنے آئے ہیں، ڈینگی میں مبتلا مریضوں کا تعلق حیدرآباد سمیت سندھ کے دیگر اضلاع سے ہے۔
سول اسپتال کی انتظامیہ ڈاکٹرعالیہ ناز نے بتایا کہ ڈینگی تازہ پانی میں پرورش پاتا ہے, یہ صبح فجراورشام مغرب کے بعد کاٹتاہے، ڈینگی کے مریض دو گھنٹے تک سیب، پالک پپیتے کے پتوں کا جوس استعمال کریں۔
واضح رہے کہ محکمہ صحت سندھ کے مطابق ماہ اکتوبر میں ڈینگی کے اب تک 108 کیس رپورٹ ہوئے ہیں جبکہ کراچی میں اب تک 76 کیس رپورٹ ہوئے ہیں۔