صوبائی دارالحکومت لاہور میں کورونا ویکسینیشن کے بغیر  سرکاری دفاتر میں انٹری بند کردی گئی ہے۔

تفصیلات کے مطابق محکمہ پرائمری اینڈ سکینڈری ہیلتھ کئیر کی جانب سے تمام محکمہ جات کے نام مراسلہ جاری کردیا گیا ہے۔

جاری کردہ مراسلے میں بتایا گیا ہے کہ  ویکسینیشن سرٹفکیٹ چیک کیے بغیر کسی کو بھی  سرکاری دفتر میں داخلے کی اجازت نہیں ہوگی،  سرکاری دفاتروں کے داخلی راستوں پر موجود سیکورٹی اہلکار ویکسینیشن سرٹفکیٹ کی چیکنگ کو یقینی بنائیں گے۔

 مراسلہ آئی جی پولیس،تمام ڈویزنل کمشنرز اور سرکاری محکمہ جات کے افسران کوبھی ارسال کردیا گیا ہے۔

واضح رہے کہ  سرکاری دفاتر میں مکمل ویکسینیٹڈ افراد کو ہی داخلے کی اجازت ہوگی۔