فنانشل ایکشن ٹاسک فورس (فیٹف) نے پاکستان کو اگلے سیشن تک گرے لسٹ میں برقرار رکھنے کا فیصلہ کیا ہے۔

تفصیلات کے مطابق پیرس میں فنانشل ایکشن ٹاسک فورس کا 3 روزہ اجلاس ہوا جس میں حکومتِ پاکستان کی27 ویں شرط پر پیش رفت کا جائزہ لیا گیا۔

اجلاس میں منی لانڈرنگ اور دہشت گردوں کی سزاؤں سےمتعلق پاکستان کی کارکردگی کو بھی جانچا گیا۔

 فیٹف نے پاکستان کی جانب سے منی لانڈرنگ اور دہشت گردی کی مالی معاونت سے متعلق اب تک کے اقدامات کا جائزہ لینے کے بعد پاکستان کو آئندہ سال فروری تک گرے لسٹ میں برقرار رکھنے کا فیصلہ کیا ہے۔

اس موقع پر ایف اے ٹی ایف کے صدر ڈاکٹر مارکس پلیئر کا کہنا تھا کہ پاکستان ایف اے ٹی ایف کی گرے لسٹ سے نہ نکل سکا، پاکستان ایف اے ٹی ایف کی گرے لسٹ میں اگلے سیشن تک رہے گا۔

صدر فیٹف نے کہا کہ  ایف اے ٹی ایف نے بوسٹوانا اور موریشس کو گرے لسٹ سے نکال دیا جبکہ فیٹف نے ترکی، اردن اور مالی کو  بھی گرے لسٹ میں ڈال دیا۔

مارکس پلیئر کا کہنا تھا کہ پاکستان نے فیٹف کے 27 ایکشن پلان میں 26 پر عمل کیا ہے، پاکستانی حکومت دہشت گردوں کی مالی معاونت روکنے کیلئے اقدامات کرنے ہونگے۔

ایف اے ٹی ایف کے صدر ڈاکٹر مارکس پلیئر کا مزید کہنا تھا کہ پاکستان نے ایف اے ٹی ایف نکات پر عملدرآمد بہتری دکھائی ہے۔ بھرپور تعاون پر حکومتِ پاکستان کا شکریہ ادا کرتے ہیں۔

واضح رہے اس سے قبل ایف اے ٹی ایف کے صدر ڈاکٹر مارکس پلیئر کا اپنے بیان میں کہنا تھا کہ پاکستان فی الحال گرے لسٹ میں رہے گا، پاکستان نے اینٹی منی لانڈرنگ اور انسداد دہشتگردی میں کافی پیشرفت کی ہے، پاکستان کی پیشرفت قابل ستائش ہے۔ ایکشن پلان مکمل کرنا بھی ضروری ہے۔ 27 میں سے 3 اہداف پر مزید کام کرنے کی ضرورت ہے جبکہ پاکستان اپریل 2022 کے ایجنڈے میں شامل نہیں۔

انہوں نے کہا تھا کہ پاکستان کے معاملے پر آئندہ سال جون میں دوبارہ بات ہو گی۔ پاکستان مانیٹرنگ لسٹ میں رہے گا۔

صدر ایف اے ٹی ایف نے کہا تھا کہ پاکستان دہشتگرد تنظیموں کے سینئر کمانڈرز کو سزائین دینے کے حدف کو پورا کرے۔ پاکستان کو فیٹف کے نئے ایکشن پلان پر مکمل عمل کرنا ہو گا۔

انہوں نے مزید کہا تھا کہ پاکستان کو اپنی انویسٹیگیشن کا طریقہ کار بہتر بنانا ہو گا جبکہ پاکستان کو دہشتگردوں کی مالی معاونت کرنے والوں کی چھان بین بھی کرنی ہوگی۔