صومالیہ کی سفیر خدیجہ محمد المخزومی کی چیف آف دی نیول اسٹاف ایڈمرل محمد امجد خان نیازی سے ملاقات ہوئی ہے۔

تفصیلات کے مطابق ترجمان پاک بحریہ کی جانب سے جاری کردہ بیان کے مطابق صومالیہ کی سفیر خدیجہ محمد المخزومی نے نیول ہیڈ کوارٹرز اسلام آباد کا دورہ کیا جہاں انہوں نے چیف آف دی نیول اسٹاف ایڈمرل محمد امجد خان نیازی سے ملاقات کی۔

ترجمان پاک بحریہ کا کہنا ہے کہ صومالی سفیر سے چیف آف دی نیول اسٹاف ایڈمرل محمد امجد خان نیازی کی ہونے والی ملاقات میں باہمی دلچسپی کے امور پر تبادلہ خیال کیا گیا جبکہ خطے کی سیکیورٹی صورتحال اور دوطرفہ بحری تعاون پر بھی بات چیت کی۔

ترجمان پاک بحریہ کا مزید کہنا ہے کہ صومالی سفیر نے خطے میں امن و استحکام کو یقینی بنانے میں پاک بحریہ کے کردار کی تعریف کی۔