قومی کرکٹ ٹیم کے آل راؤنڈر محمد حفیظ نے بھی لیجینڈری کامیڈین عمر شریف کے انتقال پر دکھ کا اظہار کیا ہے۔

تفصیلات کے مطابق قومی کرکٹ ٹیم کے آل راؤنڈر محمد حفیظ نے سماجی رابطے کی ویبسائٹ ٹویٹر پر جاری اپنے ایک بیان  عمر شریف کی تصاویر شیئر کرتے ہوئے عمر شریف کی مغفرت کی دعا بھی کی۔

دوسری جانب قومی کرکٹ ٹیم کے فاسٹ باؤلر حسن علی نے بھی سماجی رابطے کی ویبسائٹ ٹویٹر پر اپنے جاری بیان میں  عمر شریف کی تصویر شیئر کرتے ہوئے کہا کہ  لیجینڈری عمر شریف کے انتقال کی خبر دل دہلا دینے والی ہے۔

حسن علی نے اپنے بیان میں دعا بھی کی اور کہا کہ اللہ ان کی روح کو سکون عطا فرمائے۔