پاکستان کرکٹ ٹیم کے فاسٹ باؤلر شاہین شاہ آفریدی نے کہا ہے کہ نئے گیند سے جلد وکٹیں گرانا میرا ہدف ہوتا ہے۔

تفصیلات کے مطابق قومی کرکٹ ٹیم کے فاسٹ باؤلر شاہین شاہ آفریدی نے اپنے ایک بیان میں نئی گیند پر کنٹرول کو مشکل قرار دیا ہے۔

ایک بیان میں شاہین شاہ آفریدی نے کہا کہ کسی بھی بولر کے لیے اننگز کے آغاز میں نئے گیند کو کنٹرول کرنا آسان نہیں ہوتا۔

ان کا کہنا تھا کہ وہ نیا گیند کروانے کے لیے خصوصی پریکٹس کرتے ہیں اور کوشش کرتے ہیں کہ نئے گیند کو آگے کرائیں تاکہ بیٹسمین  کو مشکل کا سامنا کرنا پڑے۔

پاکستانی فاسٹ باؤلر  کا کہنا تھا کہ  وہ مختلف کنڈیشنز میں نیا گیند پھینکنے کے لیے مختلف حکمت عملی بناتے ہیں۔

شاہین آفریدی نے کہا کہ ان سوئنگ ہو یا آؤٹ سوئنگ جس پر وکٹ ملے وہی اچھی گیند بن جاتی ہے۔

واضح رہے کہ ٹی ٹوئنٹی  ورلڈ کپ میں پاکستان نے بھارت اور نیوزی لینڈ کے خلاف گروپ میچز جیت لیے ہیں۔

 آج  پاکستان اور افغانستان آمنے سامنے ہیں  ۔

افغانستان نے ٹاس جیت کر پہلے بیٹنگ کا فیصلہ کیا اور پاکستان کو 148 رنز کا ہدف دیا۔