بجلی 2 روپے 66 پیسے مہنگی کرنے کی درخواست پر سماعت کل ہوگی۔

تفصیلات کے مطابق سی پی پی اے نے بجلی مہنگی کرنے کی درخواست نیپرا میں دائر کر رکھی ہے، بجلی مہنگی کرنے کی درخواست ستمبر کی فیول ایڈجسٹمنٹ کی مد میں کی گئی تھی۔

سی پی پی اے کے مطابق ستمبر میں پانی سے 36.24 فیصد بجلی پیدا کی گئی تھی، گزشتہ ماہ کوئلے سے 17.05 فیصد بجلی پیدا کی گئی تھی۔

سی پی پی اے نے بتایا ہے کہ ستمبر میں فرنس آئل سے 7.11 فیصد بجلی پیدا کی گئی، گزشتہ ماہ آر ایل این جی سے 18.90 فیصد بجلی پیدا کی گئی تھی۔

اس کے علاوہ ستمبر میں گیس سے 8.90 فیصد بجلی پیدا کی گئی تھی، گزشتہ ماہ جوہری توانائی سے 9.13 فیصد بجلی پیدا کی گئی تھی۔