ویسٹ پولیس کی جانب سے گٹکا ماوا کے بڑے اڈّے پر کامیاب چھاپہ مار کارروائی کی گئی ہے۔

تفصیلات کے مطابق کارروائی کے نتیجے میں گٹکا ماوا فیکٹری سے 1600 پڑیاں تیار گٹکا،  20  کلو تیار گٹکا ماوا، 166 کلو چھالیہ، 57 کلو تمباکو، 20 کلو چونا، 02 بڑے بورے جیلانی پاؤڈر، ڈیجیٹل ترازوں اور گٹکا ماوا کی تیاری میں استعمال ہونے والا سامان اور پیکنگ شاپرز برآمد کرکےملزمہ اور ملزم کو گرفتار کرلیا گیا ہے ۔

ایس ایس پی ویسٹ کا کہنا ہے کہ  ملزم و ملزمہ وافر مقدار میں گٹکا ماوا تیار کر کے دکانداروں کو مضر صحت گٹکا ماوا کی سپلائی فراہم کرتے تھے، ملزم و ملزمہ کے خلاف مقدمہ الزام نمبر 1651/2021 بجرم دفعہ 3/4/5/8 درج کرکے مزید تفتیش شروع کردی گئی ہے۔

واضح رہے کہ گرفتار ملزم کی شناخت حامد خان ولد جبار خان جبکہ ملزمہ بنیش زوجہ محمد طارق عرف خان عرف مامو کے نام سے ہوئی ہے۔