ملک بھر میں گزشتہ 24 گھنٹوں کے دوران کورونا سے مزید 28 افراد انتقال کر گئے ہیں۔

نیشنل کمانڈ اینڈ آپریشن سینٹر (این سی اوسی) کے جاری کردہ اعداد و شمارکے مطابق گزشتہ 24 گھنٹوں کے دوران کورونا کے مزید 1 ہزار 16 نئے کیسز کی تصدیق ہوئی ہے جبکہ 24 گھنٹوں کے دوران ملک بھر میں کورونا سے مزید 28 افراد انتقال کر گئے ہیں۔

این سی اوسی کے مطابق 24 گھنٹےکےدوران47 ہزار934 کورونا ٹیسٹ کیےگئے۔

این سی اوسی کے مطابق ملک بھر میں کورونا مثبت کیسز کی شرح2.11 فیصد ہو گئی ہے۔
این سی اوسی کے مطابق ملک میں کورونا سے ہلاکتوں کی تعداد 28201 ہو گئی اور مجموعی کیسز 12 لاکھ 61 ہزار 685 تک جا پہنچے ہیں جب کہ فعال کیسز کی تعداد 40309 ہے۔

اس کے علاوہ 24 گھنٹوں کے دوران ملک بھر میں 1750 مریض کورونا سے صحتیاب بھی ہوئے ہیں جس کے بعد مجموعی طور پر صحتیاب ہونے والوں کی تعداد 11 لاکھ 93 ہزار 175 ہو گئی ہے۔