پاکستان کی فتح کی خوشی میں ہوائی فائرنگ کرنے والا ملزم گرفتار

سعدیہ شمیم

25th Oct, 2021. 10:36 am
شيئر

پاک بھارت کرکٹ میچ میں پاکستان کی فتح کی خوشی میں ہوائی فائرنگ کرنے والے شہری کو گرفتار کرلیا۔
تفصیلات کے مطابق حافظ آباد میں سٹی پولیس نے بھارت کے خلاف کرکٹ میچ جیتنے کی خوشی میں ہوائی فائرنگ کرنے والے ملزم کو گرفتار کرکے مقدمہ درج کر لیا گیا ہے۔
ڈی پی او حافظ آباد کا کہنا تھا کہ ہوائی فائرنگ اور اسلحہ کی نمائش کرنا سنگین جرم ہے، ملزم نے گزشتہ رات پاکستان کے میچ جیتنے پر شدید ہوائی فائرنگ کی ہے۔
ڈی پی او رانا معصوم نے مزید کہا کہ خوشی سے کی گئی ہوائی فائرنگ کسی کی جان لے سکتی ہے، شہری خوشی کا اظہار قانون کے دائرے میں رہ کر کریں جس سے کسی کی جان کو خطرہ نہ ہو۔

اختتام

آج کی بول نیوز