وزیر خارجہ شاہ محمود قریشی آج ایک روزہ دورے پر کابل پہنچیں گے۔

تفصیلات کے مطابق وزیر خارجہ شاہ محمود قریشی کا دورہ مختصر مگر معنیٰ خیز ہوگا۔ وزیر خارجہ شاہ محمود قریشی اپنے دورہ افغانستان میں طالبان حکومت کی اعلیٰ شخصیات سے ملاقاتیں کریں گے۔

ذرائع کے مطابق ملاقاتوں میں دو طرفہ امور، امدادی سامان کی ترسیل، افغان سرزمین کا پاکستان دشمن عناصر کے استعمال سے روکنے پر زور دیا جائے گا۔

خیال رہے کہ وزیرخارجہ شاہ محمود قریشی دورہ افغانستان طالبان قیادت کی دعوت پر کر رہے ہیں۔

واضح رہے کہ افغانستان میں طالبان حکومت کے قیام کے بعد وزیر خارجہ شاہ محمود قریشی کسی بھی ملک کے افغانستان دورہ کرنے والے تیسرے وزیر خارجہ ہوں گے۔