بلوچستان کے خوبصورت ساحلی شہر گوادر میں آج سے گوادر آف روڈ جیپ ریلی کا آغاز ہورہا ہے۔

تفصیلات کے مطابق گوادر روڈ ریلی14 سے 17 اکتوبر تک جاری رہے گی جبکہ کمشنر مکران ڈویژن کی صدارت میں گوادر آف روڈ ریلی کے تمام انتظامات کو حتمی شکل دی گئی ہے۔

گوادر آف روڈ ریلی تقریبا   240 کلو میٹر پر محیط ہےجبکہ ٹریک پر 100 سے زائد ریسر قسمت آزمائی کرینگے۔

اسکے علاوہ گوادر آف روڈ ریلی میں پاکستان اور بیرون ملک سے نامور ریسر بھی حصہ لے رہے ہیں جبکہ خواتین ریسر و مقامی ریسر بھی اس میگا ایونٹ میں حصہ لے رہے ہیں۔

واضح رہے کہ 17اکتوبر کو ریلی کا فائنل راونڈ ہوگا، ریلی کا اختتام پیرا گلائڈنگ کے انعقاد کے ساتھ کلچر شو اور میوزیکل شو کے ساتھ آتش بازی کا مظاہرہ بھی ہوگا۔