قومی کرکٹ ٹیم کے تجربہ کار آل راؤنڈر محمد حفیظ ڈینگی بخار سے صحت یاب ہونے لگے ہیں۔

تفصیلات کے مطابق  قومی کرکٹ ٹیم کے آل راؤنڈر محمد حفیظ کو بخار نہیں ہے ، محمد حفیظ کو ڈینگی بخار کی وجہ سے کمزوری ہے۔

ذرائع کا کہنا ہے کہ  محمد حفیظ کے جلد مکمل فٹ ہونے کے لئےبورڈ پرامید ہے، محمد حفیظ کے نیشنل ٹی ٹوئنٹی کے لاہور کا دوسرا راؤنڈ کھیلنے کے لئے بورڈ پر امید ہے۔

ذرائع کا کہنا ہے کہ سنٹرل پنجاب کے لاہور آنے کے بعد محمد حفیظ کی فٹنس کی بنیاد پر دستیابی کا جائزہ لیا جائے گا۔

 واضح رہے کہ محمد حفیظ چند روز قبل ڈینگی بخار کا شکار ہوئے تھے ،طبیعت ناساز  ہونے پر محمد حفیظ نیشنل ٹی ٹوئنٹی کا راولپنڈی میں پہلا مرحلہ نہیں کھیل سکے تھے ۔