ضلع ملیرپولیس نے گٹکا ماوا سپلائی اورفروخت میں ملوث ملزمان کیخلاف کریک ڈاؤن کیا گیا ہے۔
تفصیلات کے مطابق پولیس نے چوبیس گھنٹوں کے دوران 26 ملزمان کو گرفتار کیا جبکہ دو فیکٹریوں سمیت بھاری مقدار میں تیار گٹکا ماوا اور خام مال تحویل میں لے لیا۔
ضلع ملیرپولیس کا کہنا ےتھا کہ گرفتار ملزمان پابندی کے باوجود علاقے میں گٹکا بنا کر فروخت کر رہے تھے، معزز عدالت نے گٹکا ماوا کی تیاری اور فروخت پر مکمل پابندی عائد کر رکھی ہے۔
ضلع ملیرپولیس نے مزید کہا کہ گرفتار ملزمان کے خلاف مقدمہ درج کرکے ملزم سے مزید تفتیش جاری ہے۔
واضح رہے کہ پولیس کارروائیاں ابراہیم حیدری، شاہ لطیف، شرافی گوٹھ، بن قاسم، میمن گوٹھ، قائدآباد، اسٹیل ٹاؤن اور ملیر سٹی کی حدود میں کی گئیں۔