خضدار میں ڈاکٹر کے قتل کے خلاف کوئٹہ کراچی آر سی ڈی روڈ گزشتہ چھ گھنٹے سے بلاک ہے۔
تفصیلات کے مطابق خضدار کی تحصیل وڈھ میں ڈاکٹر شیر احمد شیخ کو معلوم افراد نے فائرنگ سے ہلاک کر دیا۔ یہ تب پیش آیا جب وہ گھر سے وڈھ بازار جا رہے تھے۔
ذرائع کے مطابق ڈاکٹر کے قتل کی اطلاع ملتے ہی شیخ قبیلے کے مشتعل افراد نے کوئٹہ کراچی قومی شاہراہ پر رکاوٹیں کھڑی کر کے روڈ کو ہر قسم کی ٹریفک کے لیے بلاک کر دیا جس کے باعث سڑک کے دونوں اطراف گاڑیوں کی قطاریں لگ گئی ہیں۔
ذرائع کا کہنا ہے کہ چھ گھنٹے سے ٹریفک کی بندش کے باعث مسافر، جن میں خواتین و بچوں کی بھی بڑی تعداد شامل ہیں، شدید پریشانی و مشکلات کا سامنا کر رہے ہیں۔
ذرائع نے کہا کہ روڈ بلاک کرنے والوں کا مطالبہ ہے کہ ڈاکٹر کے قتل میں ملوث ملزمان کو گرفتار کیا جائے۔