پشاور میں کیپٹل سٹی پولیس کی جانب سے کامیاب  کارروائی کی گئی ہے۔

تفصیلات کے مطابق کارروائی کے نتیجے میں ڈینزپلازہ دہرے قتل کیس میں مطلوب اشتہاری کو پناہ دینے والے2 ملزمان گرفتار کر لیے گئے ہیں۔

پولیس کا کہنا ہے کہ دونوں گرفتار ملزمان اشتہاری مجرم جہانگیر کے قریبی رشتے دار ہیں، ملزمان مجرم کوپناہ دینے سمیت نقل و حرکت میں بھی مدد کرتے تھے۔

پولیس کے مطابق دونوں ملزمان کے قبضے سے2عدد کلاشنکوف،2  پستول اور 50  کارتوس بھی برآمد کرلیے گئے ہیں جبکہ  گرفتار ملزمان کے خلاف مقدمہ درج کر کے تفتیش بھی  شروع کر دی گئی ہے۔

واضح رہے کہ  ابتدائی تفتیش کے دوران ہی ملزمان نے جرم کا اعتراف کر لیا تھا۔