آئی سی سی نے ٹی ٹونٹی ورلڈ کپ کی پرائز منی کا اعلان کردیا۔

تفصیلات کے مطابق ئی سی سی ورلڈ کپ ٹرافی جیتنے والی ٹیم کو 16 لاکھ ڈالرز ملیں گے جبکہ ایونٹ کی رنر اپ ٹیم کو8 لاکھ ڈالرز کی انعامی رقم ملے گی۔

آئی سی سی کا کہنا ہے کہ سیمی فائنل میں ناکام ہونیوالی ٹیموں کو 4 ، 4 لاکھ ڈالرز ملیں گے۔

آئی سی سی کا کہنا ہے کہ ایونٹ کے سپر 12 میں ناک آوٹ ہونیوالی ٹیموں کو 70، 70 ہزار ڈالرز ملیں گے۔

آئی سی سی کا کہنا ہے کہ راؤنڈ اسٹیج  میں ہر میچ جیتنے پر ٹیم کو40 ہزار ڈالرز ملیں گے جبکہ پہلے راؤنڈ سے باہر ہونیوالی ٹیموں کو بھی 40 ،40 ہزار ڈالرز ملیں گے۔

واضح رہے ی ٹونٹی ورلڈ کپ 17 اکتوبر سے شیڈول ہے جہاں اس سلسلے کا پہلا مرحلہ 17 سے 22 اکتوبر تک کے درمیانی عرصے میں عمان میں کھیلا جائے گا جبکہ طے شدہ شیڈول کے مطابق ٹی 20 ورلڈ کپ کا دوسرا مرحلہ 23 سے 14 نومبر کے درمیانی عرصے میں منعقد ہوگا لیکن وہ متحدہ عرب امارات میں کھیلا جائے گا۔

یاد رہے آئی سی سی کے مطابق ورلڈکپ کے تمام میچوں میں 70 فیصد تماشائیوں کو اسٹیڈیم میں آنے کی اجازت ہوگی، جبکہ کرکٹ کے مداح پوری دنیا سے آن لائن ٹکٹ کی بکنگ کراسکتے ہیں۔