خیبر پختونخوا میں ڈینگی وائرس سے ایک اور مریض جاں بحق ہوگیا،ڈینگی وائرس سے جاں بحق شخص کا تعلق صوابی سے ہے ۔

تفصیلات کے مطابق  صوبے میں ڈینگی سے انتقال کرجانے والوں کی تعداد 6 ہوگئی  ہے جبکہ خیبرپختونخوا میں گزشتہ 24 گھنٹوں کے دوران ڈینگی کے مزید 139 نئے کیسز رپورٹ  ہوئے ہیں۔

محکمہ صحت کی رپورٹ کے مطابق  صوبے میں مجموعی طور پر ڈینگی سے متاثرہ مریضوں کی تعداد 4504 ہوگئی  ہے، اسپتالوں میں مجموعی طور پر ڈینگی کے207 مریض زیرعلاج ہیں ۔

 محکمہ صحت  کے مطابق پشاورمیں گزشتہ چوبیس گھنٹوں کے دوران55 افراد میں ڈینگی وائرس کی تصدیق ہوئی ہے ، پشاورمیں مجموعی طور پر ڈینگی سے متاثرہ مریضوں کی تعداد 1643 ہوگئی ہے ۔

ہری پوراور صوابی میں 23,23,اورمردان میں 11 افراد میں ڈینگی وائرس کی تصدیق  ہوئی ہے۔

 صوبہ خیبر پختونخوا میں چوبیس گھنٹوں کے دوران ڈینگی سے124 افراد صحت یاب ہوئے ہیں۔