تُلسی کے  تیل کے خوبصورتی سے متعلق بے شمار فوائد ہیں جنہیں جاننے اور اس کا استعمال باقاعدگی سے خواتین کا یہ مسئلہ حل ہوسکتا ہے۔

تُلسی کے تیل میں وٹامن کے، اینٹی آکسیڈنٹ خصوصیات بھاری مقدار میں پائی جاتی ہیں۔

تُلسی کا استعمال ادویات میں بھی کیا جاتا ہے مگر اس کا زیادہ تر استعمال جڑی بوٹیوں سے بنی ادویات میں کیا جاتا ہے۔

ماہرین کے مطابق تُلسی کے تیل کا سب سے بڑا اور سر فہرست فائدہ جھڑتے بالوں کو روکنا اور جِلد کو قدرتی طور پر صاف شفاف بنانا ہے۔

اس کے علاوہ تُلسی کا تیل جِلد کے کسی بھی حصے اور بالوں کی جڑوں میں لگانے سے خون کی روانی تیز ہوتی ہے اور جِلد اور بالوں سے جڑے مسائل جلد حل ہو جاتے ہیں۔

ماہرین کے مطابق اگر آئرن اور زنک کی کمی نہ ہونے کے باوجود بھی بال جھڑ رہے ہیں تو تُلسی کا تیل بہترین آپشن ہے، اس تیل کا استعمال ہفتے میں صرف ایک بار آدھے گھنٹے سے 1 گھنٹے تک کرنا چاہئیے۔

دوسری جانب اس کا تیل براہ راست چہرے، ایکنی زدہ جِلد پر اور دوبارہ سے کیل مہاسوں کی افزائش کو روکنے کے لئے بھی استعمال کیا جا سکتا ہے ۔