پاکستان ٹرائیتھلون مقابلوں میں ملک بھر سے 552 اتھلیٹ شریک ہوئے۔

آئی ایس پی آر کے مطابق کل پاکستان ٹرائیتھلون مقابلے بہاولپور میں منعقد ہوئے جن میں 552 کھلاڑیوں نے حصہ لیا جن کا تعلق پاکستان بھر سے تھا، آرمی، سول آرمڈ فورسز، طلبا نے بھی مقابلوں میں حصہ لیا۔

 ٹرائیتھلون مقابلے تین کھیلوں پر مشتمل تھے،جن میں تین سو میٹر سوئمنگ، بیس کلومیٹر سائیکلنگ اور دس کلومیٹر دوڑ شامل تھی۔

کورکمانڈر بہاولپور لیفٹننٹ جنرل خالد ضیا مقابلوں کے مہمان خصوصی تھے جبکہ اولمپئین شہبازسینئیر مہمان اعزاز تھے۔

 کورکمانڈر نے تمام جیتنے والوں میں اعزازات اور تمغے تقسیم کئے، کئی اہم شخصیات جن میں اولمپئین ارشد ندیم، خواجہ جنید،کوہ پیما صائمہ بیگ، باکسر اصغر چنگیزی بھی اس موقع پر موجود تھے۔

مقابلوں کی اوپن کیٹگری میں سہیل عامر بہترین اتھلیٹ قرار پائے جبکہ محمد بلال اور عامر عباس دوسرے و تیسرے نمبر پر رہے۔

 اس موقع پرخصوصی ثقافتی فلوٹس بھی شریک تھے، پاکستان رینجرز نے رائفل ڈرلز کا شاندار مظاہرہ کیا۔

کور کمانڈر بہاولپور لیفٹننٹ جنرل خالد ضیا نے انعامات تقسیم کئے۔