گورنر سندھ عمران اسماعیل نے ترکی میں گورنر استنبول علی یرلیکایا سے ملاقات کی ہے۔

تفصیلات کے مطابق گورنر سندھ عمران اسماعیل نے ترکی میں گورنر استنبول علی یرلیکایا سے ملاقات کی جس میں تجارت اور سرمایہ کاری کے فروغ سمیت باہمی دلچسپی کے دیگر امور پر تبادلہ خیال کیا گیا۔

ملاقات میں ترکی میں غیر قانونی امیگرینٹس کے طور پر گرفتار پاکستانیوں کی رہائی کے حوالے سے اقدامات پر تفصیلی گفتگو کی گئی۔

گورنر سندھ نے ترکی کے قومی دن کے حوالے سے ترکی کی عوام کو مبارکباد اور نیک جذبات کا اظہار کیا۔

 گورنر سندھ عمران اسماعیل نے گورنر استنبول علی یرلیکایا کو کراچی آنے کی دعوت دی جو انہوں نے خوشدلی سے قبول کی۔

گورنر سندھ نے ترکی کی قیادت کا کشمیر کاز کے لئے پاکستان کے موقف کی تائید پر شکریہ ادا بھی کیا۔

گورنر سندھ عمران اسماعیل نے کہا کہ جس طرح استنبول ترکی کا تجارتی مرکز ہے ویسے ہی کراچی پاکستان کا تجارتی حب ہے۔

دوسری جانب گورنر استنبول علی یرلیکایا نے کہا کہ پاکستان اور ترکی کے دیرینہ مذہبی، تاریخی اور سفارتی تعلقات ہیں۔