دیگر صوبوں کی طرح صوبہ خیبرپختونخوا میں بھی  ڈینگی وائرس کے حملے تاحال جاری ہیں۔

محکمہ صحت کی جاری کردہ رپورٹ کے مطابق گزشتہ 24 گھنٹوں کے دوران ڈینگی کے مزید 268  نئے کیسز سامنے آ گئے ہیں جبکہ پشاور میں مجموعی طور پر ڈینگی سے متاثرہ مریضوں کی تعداد 573 ہوگئی ہے۔

جاری کردہ  رپورٹ میں مزید بتایا گیا ہے کہ اس وقت خیبر ٹیچنگ ہسپتال میں ڈینگی کے 65 مریض زیر علاج ہیں جبکہ لیڈی ریڈنگ ہسپتال میں  21، ایل آر ایچ میں  30 اور حیات آباد میڈیکل کمپلیکس میں  19 مریض زیرعلاج ہیں۔

واضح رہے کہ صوبے بھر میں ڈینگی کے 1215 مریض صحت یاب ہو چکے ہیں۔