قومی سلامتی کے سابق مشیر جنرل مک ماسٹر کا کہنا ہے کہ امریکی پالیسی خود فریبی تھی۔

غیر ملکی میڈیا کے مطابق اپنے جاری کردہ بیان میں جنرل مک ماسٹر نے کہا کہ نااہل لوگ پالیسی چلاتے رہے اور امریکی عوام کو حقیقت سے آگاہ نہیں کیا گیا۔

دوسری جانب افغانستان میں سابق امریکی سفیر ریان سی کروکر کا کہنا ہے کہ ہمارا مقصد افغانستان کو محفوظ بنانا تھا، ہم نے تحمل سے کام لیا تھا مگر ایسا نہ ہوسکا۔

ریان سی کروکرنے مزید کہا کہ ہماری بے صبری کا دشمن نے فائدہ اٹھایا ہے۔

انہوں نے یہ بھی کہا کہ ہم نے مواقع ضائع کیےہیں،  انخلا افراتفری میں ہوا تھا۔