وزیر داخلہ شیخ رشید احمد نے کہا ہے کہ وزیر اعظم عمران خان اور علمائے کرام کی ملاقات بہت اچھی رہی۔

تفصیلات کے مطابق وزیر داخلہ شیخ رشید احمد نے اپنے بیان میں کہا کہ وزیر اعظم عمران خان اور علمائے کرام کی ملاقات میں کالعدم مذہبی جماعت کے لانگ مارچ پر گفتگو کی گئی، وزیر اعظم عمران خان نے علمائے کرام کا نقطہ نظر سنا، اور معاملے پر حکومتی موقف سے آگاہ کیا، وزیر اعظم نے رحمت للعالمین اتھارٹی سے متعلق بھی آگاہ کیا۔

وزیر داخلہ شیخ رشید احمد نے کہا کہ نور الحق قادری اس معاملے پر تفصیلی بیان تیار کررہے ہیں، جس پر صحافی نے سوال کیا کہ کیا حالات بہتری کی طرف جارہے ہیں؟

شیخ رشید احمد صحافی کے سوال پر خاموش رہے۔