بھارت کے بعد اب پاکستانی ٹیم نے نیوزی لینڈ کو بھی شکست دے دی۔

پاکستان نے سیکیورٹی کا جواز بنا کر واپس لوٹنے والی نیوزی لینڈ کی ٹیم کو کرارا جواب دے دیا۔

نیوزی لینڈ کی شکست کے بعد سلسلہ یہاں ختم نہیں ہوا بلکہ اب سوشل میڈیا پر میمز کا طوفان آگیا ہے اور صارفین کے دلچسپ و تنقیدی تبصروں سے پورا سوشل میڈیا گونج اٹھا ہے۔

آج کے میچ میں نیوزی لینڈ کی شکست کے بعد اسٹیڈیم میں شائققین کے سیکیورٹی کے نعروں کی ویڈیو وائرل۔

اس کے علاوہ سوشل میڈیا پر بھی نیوزی لینڈ کی ٹیم پر طنز کیا جارہا ہے، ڈیوڈ ایلس نامی ٹوئٹر صارف کا کہنا تھا کہ ویلڈن پاکستان، سکیورٹی کا مسئلہ کامیابی سے حل کرلیا۔

معین نامی صارف نے ٹوئٹر پر ایک تصویر شئیر کی جس کے کیپشن میں لکھا کہ کیا اب محفوظ محسوس کر رہے ہو۔

حماد نامی صارف نے شعیب ملک اور آصف علی تصویر شئیر کرتے ہوئے کیپشن میں لکھا کہ اس بار کتنے تھے، اس بار بھی 2 تھے۔

ایک اور صارف تصویر شئیر کرتے ہوئے لکھا ‘ یہ پرفیکٹ ہے’۔

واضح رہے کہ نیوزی لینڈ کو شکست دینے کے بعد اب پاکستان کے سیمی فائنل میں جانے کے مواقع اور سنہرے ہوگئے ہیں۔