خیبرپختونخوا سکواش ایسوسی ایشن نے گزشتہ پانچ برس میں سب سے زیادہ مقابلے کرانے کا نیا ریکارڈ قائم کیا ہے۔

تفصیلات کے مطابق پاکستان اسکواش فیڈریشن گزشتہ کئی برس سے خیبرپختونخوا سکواش ایسوسی ایشن کو ٹرافیوں سے نواز رہی ہے اور رواں برس بھی پاکستان اسکواش فیڈریشن نے صوبائی اسکواش ایسوسی ایشن کو خصوصی ٹرافی سے نوازا۔

 اس سلسلے میں پاکستان اسکواش فیڈریشن کے نائب صدر اور خیبرپختونخوا سکواش ایسوسی ایشن کے صدر قمرزمان نے میڈیا سے بات چیت کرتے ہوئے کہا کہ گزشتہ پانچ برس سے ہم نے ریکارڈ مقابلوں کا انعقاد کرایا جس کا پاکستان اسکواش فیڈریشن سپورٹس بورڈ اور دیگر تمام کھیلوں کی ایسوسی ایشنز نے اعتراف کیا۔