وفاقی وزیر داخلہ شیخ رشید کا کہنا ہے کہ مہنگائی کی سب سے زیادہ فکر عمران خان کو ہے۔

تفصیلات کے مطابق وفاقی وزیر داخلہ شیخ رشید نے کراچی ایئر پورٹ پر میڈیا سے گفتگو کرتے ہوئے کہا ہے کہ عالمی منظر نامہ تبدیل ہونے جارہا ہے، جو ہتھیار پھینک دے اس سے لڑنا جائز نہیں۔

شیخ رشید نے کہا ہے کہ ہم مہنگائی کا مسئلہ حل کریں گے، پاکستان کو آگے لے کر جائیں گے، مہنگائی پر قابو پالیا جائے گا، ایف آئی اے کو ڈالر ہولڈنگ کرنے والوں کے خلاف کارروائی کی ہدایت دی ہے۔

انہوں نے کہا ہے کہ جنہوں نے اے پی ایس کے بچوں کو قتل کیا یا جو نقل مکانی کر کے چلے گئے ان کا مسئلہ الگ ہے، اگر بھارت بھی بات چیت سے مسئلے کے حل کے لئے آگے آئے گا تو اس سے بھی بات کی جائے گی۔

وفاقی وزیر داخلہ کا کہنا ہے کہ مہنگائی کی سب سے زیادہ فکر عمران خان کو ہے، اگلے الیکشن کے لئے بھی کوشش کی جارہی ہے، کراچی کے پڑھے لکھے لوگ ہیں، اب تک طالبان سے بات چیت کی ابتداء ہورہی ہے۔

شیخ رشید نے کہا ہے کہ ملک کے دشمنوں سے کونے کونے میں نمٹیں گے، دنیا کی کوئی سپر پاؤر ہمیں پاس نہیں کرسکتی ہے، ہم ایسی اپوزیشن پر بیٹھے ہوئے ہیں کہ دنیا ہم سے بات کر رہی ہے۔

وفاقی وزیر داخلہ شیخ رشید نے مزید کہا ہے کہ ہماری عظیم فوج اور عظیم ایجنسی ہے، ہمیں معلوم ہے کون گڈ ہے کون بیڈ ہے، ہماری منصوبہ بندی دو چار سال کی نہیں بلکہ بیس بیس سال کی ہے، عمران خان دنیائے سیاست پر چھایا ہوا ہے۔