بالی وڈ کے معروف اداکار رندھیر کپور نے کرینہ کپور کے حوالے سے ایک بڑا انکشاف کرتے ہوئے بتایا ہے کہ کرینہ نے شادی کے وقت ان کی بات نہیں مانی تھی۔

رپورٹس کے مطابق اداکار رندھیر کپور نے بھارت کے ایک کامیڈی شو میں بتایا ہے کہ جب کرینہ  نے انہیں اپنی شادی کے حوالے سے آگاہ کیا تو میں بہت خوش ہوا تھا اور جشن منانا چاہتا تھا۔

انہوں نے بتایا کہ کرینہ نے ان کے ارمانوں پر پانی پھیرتے ہوئے کہا کہ شادی میں صرف 100 لوگ ہی شرکت کرینگے ۔

اس حوالے سے رندھیر کپور کا کہنا تھا کہ شادی میں 100 لوگوں کی شرکت کا فیصلہ میرے لئے بہت پریشان کن تھا کیونکہ صرف ممبئی شہر میں ان کے خاندان کے 350 افراد رہتے ہیں۔

رندھیر کپور میں مزید بتایا کہ شادی میں زیادہ افراد بلانے پر میں نے بہت اسرار کیا جس پر کرینہ نے جواب میں کہا تھا کہ، آپ اپنی شادی پر زیادہ افراد بلا لئے گا‘۔

خیال رہے کہ کرینہ کپور کی سیف علی خان سے شادی 16 اکتوبر 2012 کو ہوئی تھی، ان کے دو بیٹے تیمور علی خان اور جہانگیر علی خان ہیں۔