خیبرپختونخوا فوڈ سیفٹی اتھارٹی کی جانب سے ملاوٹ مافیا کے خلاف کریک ڈاؤن کیا گیا ہے۔

تفصیلات کے مطابق کارروائی کے نتیجے میں  2 ملزمان گرفتار کر کے 1400 کلو سے زائد مضر صحت گڑ برآمد  کرلیا گیا ہے۔

فوڈ سیفٹی اتھارٹی کا کہنا ہے کہ گڑ کی تیاری میں چینی اور مضر صحت کیمکلز کا استعمال کیا جارہا تھا۔

اسکے علاوہ مردان سٹی میں حفظان صحت کے اصولوں کی خلاف ورزی پر بھی 5 بیکری یونٹس سیل کر کے بیکری یونٹس سے 250 کلو غیر معیاری سویٹس اور بیکری پراڈکٹس برآمد کرلیے گئے ہیں۔

واضح رہے  کہ کارروائی میں بڑی تعداد میں بوسیدہ انڈے بھی  برآمد کرکے ضائع کردیے گئے ہیں۔