قومی کرکٹ ٹیم کے اسکواڈ میں شامل 6 کھلاڑیوں نے دبئی میں ٹریننگ سیشن میں حصہ لیا۔

تفصیلات کے مطابق سرفراز احمد، محمد نواز، وسیم جونیئر اور خوشدل شاہ نے ٹریننگ سیشن میں شرکت کی ، حیدر علی اور عثمان قادر نے بھی سیشن میں شرکت کی ۔

نیوزی لینڈ کے خلاف میچ کھیلنے والی پلیئنگ الیون نے آج آرام کیا۔

 قومی کرکٹ ٹیم کے ہیڈ کوچ ثقلین مشتاق کل مقامی وقت کے مطابق دوپہر 12 بجے ورچوئل پریس کانفرنس میں شرکت کریں گے۔

 قومی اسکواڈ کل شام 6 سے 9 بجے تک آئی سی سی اکیڈمی میں ٹریننگ کرے گا۔

واضح رہے کہ ٹی ٹوئنٹی ورلڈکپ میں پاکستان نے اپنے پہلے دو میچوں میں بھارت اور نیوزی لینڈ کو شکست دی ۔

29 اکتوبر کو پاکستان ٹیم  افغانستان سے ٹکرائے گی۔

بھارت اور نیوزی لینڈ کے خلاف فتح حاصل کرنے کے بعد پاکستان ٹیم پوائنٹس ٹیبل پر پہلے نمبر پر موجود ہے۔