ملک بھر میں گزشتہ 24 گھنٹوں کے دوران کورونا سے مزید 12 افراد انتقال کر گئے ہیں۔
نیشنل کمانڈ اینڈ آپریشن سینٹر (این سی اوسی) کی جاری کردہ اعداد و شمارکے مطابق گزشتہ 24 گھنٹوں کے دوران کورونا کے مزید 554 نئے کیسز کی تصدیق ہوئی ہے جبکہ 24 گھنٹوں کے دوران ملک بھر میں کورونا سے مزید 12 افراد انتقال کر گئے ہیں۔
این سی اوسی کے مطابق 24 گھنٹےکےدوران42 ہزار 126 کورونا ٹیسٹ کیےگئے۔
این سی اوسی کے مطابق ملک بھر میں کورونا مثبت کیسز کی شرح1.31فیصد ہو گئی ہے۔
اعداد و شمار کے مطابق پاکستان میں کورونا وائرس سے متاثرہ مریضوں کی تعداد اس وقت سندھ میں 465500 ، بلوچستان میں 32155 ، خیبرپختونخوا میں 177038 ، اسلام آباد میں 106504 ، گلگت بلتستان میں 10370 ، پنجاب میں 438133 اور آزاد کشمیر میں 34412 مریض موجود ہیں۔