وزارت خزانہ کی جانب سے مجموعی قرضوں کی تازہ ترین تفصیلات جاری کردی گئی ہیں۔

تفصیلات کے مطابق وزارت خزانہ کے جاری کردہ اعلامیے میں بتایا گیا ہے کہ پاکستان کے غیر ملکی اور مقامی قرضوں کا حجم 253ارب ڈالر ہے جبکہ پاکستان کے مجموعی غیر ملکی قرضے 86ارب ڈالر ہیں۔

وزارت خزانہ نےمزید بتایا کہ پاکستان کے مجموعی مقامی قرضے 167ارب ڈالر ہیں، کل قرضوں میں غیر ملکی قرضوں کاحجم 34 فیصد ہے۔

وزارت خزانہ کے مطابق تمام قرضوں کا تخمینہ 157.3 رہپے فی ڈالر کے تناسب سے ہے، کل غیر ملکی قرضے جی ڈی پی کے 74.9فیصد کے مساوی ہیں۔

اسکے علاوہ کل قرضوں میں مقامی قرضوں کاحجم 66 فیصد ہے ، پاکستان نے آئی ایم ایف سے 7.38ارب ڈالر کے قرضے لیےہیں۔

جاری کردہ اعلامیے کے مطابق پیرس کلب کے 10.72 ارب ڈالر اور ملٹی لیٹرل کے 33.83ارب ڈالر کے قرضے ہیں۔

واضح رہے کہ ایشائی ترقیاتی بنک کے قرضوں کا حجم13.42 ارب ڈالر ہے جبکہ ورلڈ بینک سے حاصل کردہ قرضوں کا حجم18.13 ارب ڈالر ہے۔