ترجمان پاکستان انٹرنیشنل ایئرلائنز(پی آئی اے) نے کہا ہے کہ فضاؤں میں بھی سفر کرنے والے مسافر پاک بھارت میچ سے باخبر رہیں گے۔

تفصیلات کے مطابق پی آئی اے کے سی ای او ایئر مارشل ارشد ملک نے تمام پروازوں پر اپنے مسافروں کو میچ سے باخبر رکھنے کیلئے احکامات جاری کردیئے ہیں۔

 ترجمان پی آئی اے  کا کہنا ہے کہ اندرون و بیرون ملک جانیوالی تمام پروازوں پر کپتان پاک بھارت سنسنی خیز میچ میں مسافروں کو اپ ڈیٹ رکھیں گے۔

ترجمان پی آئی اے  کا مزید کہنا ہے کہ پی آئی اے کی لانگ روٹ پر جانیوالی پروازوں پر کپتان مسافروں کو سیٹلائٹ کمیونکیشن نظام کی وساطت سے اسکور بتانے رہیں گے۔

واضح رہے کہ پاکستان اور بھارت کی ٹیم آج شام 7 بجے دبئی کرکٹ اسٹیڈیم میں آمنے سامنے ہوں گی۔