آئی سی سی  ٹی ٹوئنٹی ورلڈ کپ میں شرکت کے لیے قومی اسکواڈ آج شام 7 بجے تک لاہور کے مقامی ہوٹل میں رپورٹ کرے گا۔

تفصیلات کے مطابق ہوٹل پہنچنے پر اسکواڈ میں شامل تمام ارکان اور ان کے اہلِ خانہ کی آرائیول کوویڈ 19 ٹیسٹنگ کی جائے گئی اور اسکے بعد آرائیول ٹیسٹنگ کرواتے ہی بائیو سیکیور کے تمام شرکاء ایک روز کے لیے آئسولیشن میں چلے جائیں گے۔

ٹیسٹنگ کے رزلٹ منفی آنے پر ہی قومی اسکواڈ 10 اکتوبر سے لاہور میں ٹریننگ سیشنز کا آغاز کردے گا۔

ذرائع کا کہنا ہے کہ پہلے روز قومی اسکواڈ نیشنل ہائی پرفارمنس سینٹر لاہور میں جم سیشن کرے گا جبکہ دوسرے اور تیسرے روز ایل سی سی اے گراؤنڈ میں نیٹ سیشنز ہوں گے۔

13 اکتوبر کو ایک روز آرام کرنے کے بعد قومی اسکواڈ 14 اکتوبر کو قذافی اسٹیڈیم لاہور میں سینیریو میچ کھیلے گا۔

ان نیٹ سیشنز کے اوقات کار اور میڈیا سیشنز کی مکمل تفصیلات جلد جاری کردی جائیں گی۔

واضح رہےکہ قومی اسکواڈ ٹی ٹوئنٹی ورلڈ کپ میں شرکت کے لیے 15 اکتوبر کو یو اے ای روانہ ہوگا۔