انگلش بلے بازلیام لیونگسٹون کی انجری مسائل کے باعث ویسٹ انڈیز کے خلاف ابتدائی میچ میں شرکت مشکوک  ہو گئی ہے۔

انگلش کرکٹ ٹیم کے ترجمان کے مطابق لیونگسٹون بھارت کے خلاف کھیلے گئے ورلڈ کپ وارم اپ میچ میں  فیلڈنگ کے دوران انگلی کی انجری کا شکار ہوئے تھے جس کے باعث ان کی ویسٹ انڈیز کے خلاف ابتدائی میچ میں شرکت مشکوک ہو گئی ہے۔

انگلش کرکٹ ٹیم کے ترجمان کا کہنا ہے کہ  سوجن کم ہو جائے تو اس کے بعد ہی ان کی انجری کی نوعیت کے بارے معلوم ہو سکے گا تاہم اس وقت کچھ بھی کہنا قبل ازوقت ہو گا۔

واضح رہے کہ انگلینڈ اور ویسٹ انڈیز کی ٹیمیں 23 اکتوبر کو مدمقابل ہوں گی۔