ترجمان مشیر خزانہ مزمل اسلم نے کہا ہے کہ قطر پیٹرولیم مقامی کمپنی کے ساتھ مل کر ایل این جی ٹرمینل لگائے گی۔

تفصیلات کے مطابق ترجمان مشیر خزانہ مزمل اسلم کا اپنے بیان میں کہنا تھا کہ قطر پیٹرولیم مقامی کمپنی کے ساتھ مل کر ایل این جی ٹرمینل لگائے گی، جبکہ قطر پیٹرولیم کی سرمایہ کاری کا حجم تقریباً 50 کروڑ ڈالر ہوگا۔

ترجمان مشیر خزانہ مزمل اسلم کا کہنا تھا کہ کافی عرصے کے بعد پاکستان میں کوئی توانائی منصوبہ خودمختار گارنٹی کے بعد ہوگا۔

ترجمان مشیر خزانہ مزمل اسلم کا مزید کہنا تھا کہ پاکستان کو اس طرح کی براہ راست غیر ملکی سرمایہ کاری درکار ہے۔