وزیر داخلہ شیخ رشید کا کہنا ہے کہ وطن کی سلامتی کی خاطر جان قربان کرنے والوں پر پوری قوم کو ناز ہے۔

تفصیلات کے مطابق وزیر داخلہ شیخ رشید نے سماجی رابطے کی ویب سائٹ ٹوئٹر پر اپنے ایک پیغام میں لکھا کہ دوران آپریشن آئی ای ڈی دھماکے سے ایف سی کے جوانوں کی شہادت کی اطلاع پر بہت دکھ ہوا ہے۔

شیخ رشید نے کہا ہے کہ علاقے میں موجود دہشت گردوں کے خلاف آپریشن جاری رکھیں گے۔

ضلع باجوڑ کے علاقے ڈبرائی میں سکیورٹی فورسز کا سکیورٹی آپریشن

Advertisement

دوران آپریشن آئی ای ڈی دھماکے سے ایف سی کےجوانوں کی شہادت کی اطلاع پر دکھ کااظہار

علاقے میں موجود دہشت گردوں کے خلاف آپریشن جاری رکھیں گے

وطن کی سلامتی کی خاطر جان قربان کرنے والوں پر پوری قوم کو ناز ہے۔

— Sheikh Rashid Ahmed (@ShkhRasheed) October 21, 2021

وزیر داخلہ شیخ رشید نے اپنے ٹوئٹر پیغام میں مزید لکھا ہے کہ وطن کی سلامتی کی خاطر جان قربان کرنے والوں پر پوری قوم کو ناز ہے۔

 واضح رہے کہ اس سے قبل ضلع باجوڑ میں سیکورٹی فورسز کی جانب سے پولیس کے ہمراہ سرچ آپریشنز کیے گئے ہیں جس کے نتیجے میں 2 سپاہی اور پولیس کانسٹیبل شہید ہوئے ہیں۔

پاک فوج کے شعبہ تعلقات عامہ (آئی ایس پی آر) کے مطابق گزشتہ رات ضلع باجوڑ میں سیکورٹی فورسز نے پولیس کے ہمراہ سرچ آپریشنز کیے ہیں۔

آئی ایس پی آر نے بتایا کہ آپریشن کے دوران ڈبرئی میں آئی ای ڈی دھماکہ ہوا جس میں 2 ایف سی سپاہی اور 2 پولیس کانسٹیبل شہید ہوئے۔

آئی ایس پی آر کا کہنا ہے کہ علاقے میں دہشت گردوں کی تلاش کے لیے کلیئرنس آپریشن جاری ہے۔

ترجمان پاک فوج کا کہنا ہے کہ شہداء میں کوہاٹ سے تعلق رکھنے والے 28 سالہ لانس نائیک مدثر اور کراچی کے رہائشی 26 سالہ سپاہی جمشید شامل تھے۔